Winter

Vanoggend  het ek skielik besef Winter het  sy gebied kom afbaken in ons voortuin. Ons stap  hek toe sonder my dierbare boom se blare wat flierts flerts onder my en Leo se voete. Klaar verloor. Kaal staan die  boom loodgrystakke ten hemele en ontvang die winter. Oop arm.

Ek’s ‘n Vrystaatboorling – plaaskind-   daar is gedurende  Wintertye vir my  niks mooier as uitgestrekte grasvelde nie. Die kleur . Die grassade se  speelse beweeg in winterluggie. Die geur van droë gras.

Kiewiete se roep wat  swaarder hang  in die lug . Meer hoorbaar. Die skel roep. Die kordaat stappie . Waarskuwende  oopvlerkduik .

Laatmiddag, as dit stiller raak en klank trek vêr  die Duiwe  se gekoer. Hoog in ons Sederbome.

Winter die seisoen van klank.

Advertisements