Liewe Mia

Mia,

Jou Mamma raak ronder. Oom Jan het van hulle gaan fotos neem . Van Mamma en Pappa. Skielik lyk jou Pa darem erg maer teen jou Ma, dit sal ons nou nie baie hard voor haar sê nie.

Ek het ‘n wye keuse gehad waaruit ek kon kies vir jou briefie. Weet jy ek geniet mos altyd die snaakse oomblikke wat so vasgevang word in ‘n foto. Ek dink dit sal altyd ‘n lekker storie wees om vir jou te vertel as jy nou eendag kan verstaan en lekker saam lag…

Hoekom Oom Jan nou ook die kiekie so op die grond wou neem! – ag dit is darem  mooi die gras se kleur (en Ouma is mos gaande oor mooi droë gras)  ..maar swanger mammas vind dit moeilik met die sitslag ,..

Ek wil darem net vir jou verduidelik.. – Mamma gaan sit… – Pappa kreun en net sy kuif is sigbaar..  – Mamma lag haar ‘n papie en toe … -oeps !!

Nou ja Mia,  eendag sal Mamma en Pappa vir jou die res van die fotos  wys van toe jy nog veilig in jou eie  binneshuise swembad geswem het.

Groetnis

Amperse Ouma