Gister

Dit is nou hanekraaityd.

Ek hoor hulle so verkluimerig doer in die vêrte. (moet daar  ‘n kappie op die e wees?)

Wou nou nie oor taalreëls geblog het nie, maar daar is ander reëls wat mens soms vergeet – noem dit sommer net goeie maniere.

Die ergste ellende is , jy lees nou nie eers my blogs nie, vir diegene wat my so effe bitterheid op die palet nalaat – soos iemand in die huis prontuit sou verklaar ” dis  soos om teen donderweer te p …p” – (hierdie  op die vingers-tik-poging)

1. As ek nou nie wil bollemakiese slaan oor Gospel nie – moenie vir my vertel ” Oeeee Noooit!!, luister jy na die gelag van Bach !! en ou Verdi nie!” Liewe Ouers, vervies ek my toe so suutjies vir daardie afdraande bekkie so asof sy  ‘n reukie getref het.Nee , vertel ek toe vir die een agter die bekkie en die stem .. Händel ook maaaaar beslis nie die Cambells nie . Veral daardie nuwe  ‘gat’- liedjie, ek loop en gaan maak sommer nog ‘n beker koffie . Wat is die storie dat jy nou ook knaend vir my vertel jy’s lief vir my? Se gat man! Daarvan glo ek geen jota of tittel en whatsapp hartjies werk nie vir my nie…al daardie kleine goetertjies agteraan die boodskap.. met my bril kan ek nie eens die verborge boodskap ontleed nie…

2. As ek nou eerlik vir jou vertel, ek is opreg jammer – ek kan ongelukkig nie hierdie keer behulpsaam wees nie(wil nou nie drama in die pophuis veroorsaak en dit pront uitspelle waar ek veronderstel was om te help nie ) moenie , moenie op my gevoel probeer speel nie! Luister ek is lief en dierbaar , maar o wee behoede die dag as die stoompot pieng maak en ek vererg my in die hoogste rat, dan vergeet ek ook my sedeles oor maniere en sy trawante.

3. Seuntjie, as ek ‘n afspraak maak, jy en jou jy my nie ..jy praat nie so afdraande na my met my so asof ek laer as  as as .. is nie. Ek het baie lus -as ek nou môremiddag my afspraak gaan nakom-  oe.. ek is  verbitterlik lus en konfronteer jou  met ‘ is jy die klein verwaande bleeksiel wat so met hierdie Ouma praat!?” Ag ek weet ek is nou grootbek.., gmf! Ek sal weer so verdomp vriendelik wees!

4. Jy moenie op my skree nie. Alleenlik as dit oor doofheid is, die dat jou stem paar oktawes klim . Eendag lank lank gelede het ek met ys en die winterwind snerpend in my stem vir ‘n skreestem gevra .. “Mevrou, ek hoop werklik nie jy skree op my nie, ek aanvaar U is besig om op U Man te skree!”  Mevrou,  toe jy nou so skree, het ek in my hart gedink indien u nie die bedrag wil, kan- of wat ook al die rede is , betaal nie dan besef jy mos nou soos hierdie heldere dag voor jou lê – jou toon gaan afvrot. Ontsmet /plak ‘n pleister , neeeee wat doen ek?  ” Ai Mevrou,  U weet mos oral in hierdie lewe moet mens die reëls nakom ,  betaal vir dienste wat gelewer word.”  My sagte stem wat die grimmigheid moes afkeer, het dadels gekom, haar stem het nog ‘n paar oktawes geklim.

5. Die soet by die suur..  “Meneer , dit is nou die spreekkamer hier, wat met voete en tone werk, ek herinner net aan u afspraak môremiddag so laat..” en die steunende antwoord die growwestem wat uit ‘n oumens borskas uitbeur..” Hoenou?” en ek verduidelik met my stem bietjie harder. “O..daai een is mos vir die Tannie se ou voetjies, Ounnooi.  Nee maar reg hoor , dankie dat jy vir die ou Oom onthou het!”                                                    “Plesier Oom , sien Oom môre!”