Woorde

Privaat

Soms sien ek dinge padlangs wat my dae laat wonder en dink,  die onthoubeelde wat ek nie uit my geheue uitgevee kry nie .

Oppad kies en betaal winkel toe – die man met die randsnyer wat ‘n klein oppervlak skoon zirr rondom ‘n gedenkkruis. Die bykomende struik wat geplant is. Die blomme . ‘n Klein gedenktuin. Ek wou al gaan kyk, daarteen besluit , voel soos iemand se privaatheid betree.

Sommer net nou die dag oppad , staan n vrou en ‘n man langs die pad. By ‘n ander  gedenkkruis. Hy hou sy arms om haar skouers, sy staan vooroor krom en huil.  Dae lank as ek aan die vrou dink, kom trane in my oë. Ek wou al gaan kyk , daarteen besluit, voel soos iemand se privaatheid betree.

Ry ons  bo-oor die bruggie DrieRiviere toe. Die maer vroutjie met afkleur rooitrui- met haar rug na aankomende verkeer, staar sy oor die brug na die rivier se vloei. Doodstil. Ek hou haar dop so vêr soos ons ry in motor se kantspieël. Arms styf gespanne  teen haar maer lyf. Ek wou graag  dat ons stilhou en vra , daarteen besluit voel soos iemand se privaatheid betree.

Weke later ry ons  op verskillende stadia op dieselfde roetes.

Ek sien die man en die randsnyer,     ek sien ‘n vars blommekrans by die plek waar die vrou geboë gestaan en huil het      en ek sien weer die vroutjie op die brug ….  die onthoubeelde van  mense  wat emosioneel so bitter swaarkry.

Ek wonder-  as ek langs húl pad in húl skoene sou staan , sou ek dat dié vrou in die kar wat so omkyk-omkyk verby ry – sou ek met haar  my smart wou deel, of sou ek my smart, dalk  (ook soos die verbygaande  motoris dink) –  as privaat wou toe kokon.

 

Advertisements

9 comments on “Privaat

  1. Net Ek
    Julie 31, 2014

    Sjoe ja, sulke dinge laat mens wonder.

    My een vriendin het ook so gedenktuin met ‘n kruis langs een van ons paaie, vir haar kind. Dis hartverskeurend.

    Liked by 1 person

    • ddupl3ss1s
      Julie 31, 2014

      Miskien verstaan ek nie heeltemal hoekom hul die onthouplekkie oprig nie. Dalk is dit maar soos begraafplase waar mens soms deurstap en onthou.

      Like

      • Net Ek
        Julie 31, 2014

        Nee ek dink ook nie ek verstaan dit so mooi nie Dirkie.

        Liked by 1 person

  2. rondomtaliedraai
    Julie 31, 2014

    Soveel seer laat mens sonder woorde… dankie vir die omgee…

    Liked by 1 person

  3. scrapydo
    Augustus 9, 2014

    Stem nie heeltemaal met my se suster dat sommige goed moet mens alleen dra… Sodra daaroor gepraat word word dit tog makliker om te laat los en dan te berus. Vreemdeling wat net n oor gee om te luister is baie belangrik

    Like

  4. Toortsie
    Augustus 3, 2015

    Ja. Mens weet nie wat jy moet doen nie. Dalk wil die persoon alleen wees. Dalk sou hul bly wees as iemand wat ‘n tydjie te spaar het, hul motor stop en net uitklim en langs hul kom staan?
    Mense rig deesdae hierdie kruisies op omdat daar nie ‘n begraafplaas of ander plekkie is waar die persoon se oorskot is nie. ‘n Mens het ‘n afskeidplekkie nodig.

    Like

  5. Kameel
    Augustus 3, 2015

    Net Donderdag toe ons oppad na my dogter daar tussen die mielielande toe is, het ek oor die kruise langs die pad gepraat. Dit lyk nie verwaarloos nie, daar is altyd blomme – al is dit ook plastiese blomme. Dink daar lê baie seer, en baie trane om daardie kruise.
    Ek het twee vriendinne wie se seuns oorlede is. Met die een kan ek oor hom praat al besef ek sy gaan huil. Met die ander een durf ek nie waag om sy naam te noem nie. Sy het vir hom ‘n gedenktuintjie in haar agterplaas gemaak. Dit voel na ‘n plek waar die engele bang sal wees om te trap.

    Liked by 1 person

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

Information

This entry was posted on Julie 31, 2014 by in Gedagtes vir die dag..

Blog Stats

  • 18,038 hits
%d bloggers like this: