Ek beantwoord telefoon en maak afsprake en luister menige dag na mense se pyn -hoorbaar in hul stemme.
Ek probeer professioneel – vriendelik – minsaam (my ma se woord) te klink teenoor inbellers.
Ek het teder gevoel vir bejaardes. Dierbare mense wat so dankbaar is as hul’voetjies’ soos hul dit graag noem , versorg word. Ek lag lekker as die een Dame van haar toonnaels as skopgrawe praat of die een wat altyd haar Telefoonnommer as dgibbeldgie uitspreek -333- so klomp rollende r’e en nog Duitse aksent . Ek het begrip oor voetversorging, veral deesdae as ek my been moet motiveer om op gelig te word tot op badrand om darem hakskene te room, dan praat mens nie eens van naels knip nie…(sy’t mos ‘n rug met skroewe ..sien!)
Voetversorging is baie belangrik. Voete wat gewig dra, Wat moet staan en loop soms hardloop- nou nie weghardloop nie – soos in atlete.
Soms gebeur dit dat jy jou hart blootstel , dan bekommer jy jou oor iemand.
Hy het my die eerste keer gebel uit Londen. Ek was verbaas oor die afspraak , sy ouers woon hier . Hy kom terug S.A toe en moet gereeld iemand sien, hy’s ‘n Diabeet.
So het ons mekaar begin ken. Die vriendelike jongman. Menige dag as hy hier ingestap kom , het ek gedink ..’ag jy lyk so ontsettend siek! ek hoop ek sien jou met volgende week se afspraak.”
Volgende keer dan kom hy so kromskouertjie ingestap . Sy gesig afgemat. Sy velkleur so verskriklik soos net ‘n erg siek mens kan lyk. Dan dink ek .. as ons ‘n telefoon oproep kry…
Die volgende week stap hy maar weer in .
Toe begin die dialise.
Het hom al gesien sit in sy kar- hierbuite onder my dierbare boom -voordat hy hier binnestap,sy kop op die stuurwiel , tot die dood toe siek.
Toe word hy getoets en word geplaas op lys vir oorplanting van niere /pankreas. Vol moed is hy toe hy vir my vertel ‘ ..ai Tannie dan sal ek sommer paar jaar grasie kry’
Die organe het nog nie beskikbaar geraak nie.
Ons almal hier se harte is besorg , want môre moet hy gaan vir amputasie. Die voet wil nie meer genees nie.. en moontlik die ander voet ook.
Ons almal voel bitter hartseer, en besorg .. en ons hoop ….
en ons gebede is by die bloedjongman.
Like jou pos om te wys ek het gelees, maar nie die inhoud nie. :(
LikeLike
Ai News, Kinta was vanmiddag by hospitaal by hom om ander voet te versorg.. sy voel so jammer , nou hoop ons maar vir die beste, as mens oud en afgeleef is is siekte so half aanvaarbaar maar so jongman.. dink hy is in laat dertigs!
LikeLike
Dis about so oud soos ek is. Dis vir my hartseer as ek sulke stories lees. Ek hoop die man ‘n wonderwerk toe…
LikeLiked by 1 person
Ai, sommige mense kry werklik swaar. Ek hoop dat alles goed sal afloop en dat hy die aanpassing sal kan hanteer.
LikeLiked by 1 person
Ons het gehoor operasie afgehandel. Dit gaan goed onder omstandighede
LikeLiked by 1 person
Dit raak n mens se hart veral as dit nog sulke jong persone is. My buurvrou se vriend was op dialise en is twee weke terug oorlede. Ek hoop dat daar vinnig n nier beskibaar word. Sterkte maar vir hom en ek dink aan hom.
LikeLike
Klink my die pankreas moet saam met nieroorplanting gebeur… Diabetes wat al so erg raak dat amputasie volg..is en bly maar ontstellend. Hy kan nie sy beroep beoefen nie..daardie ure op dialise masjiene weekliks ..ek weet nie of dit daagliks is of net sekere dae nie..
LikeLike
Hang af hoe ernstig die nier probleem is. Dis eintlik wreed maar wat kan mens anders doen as om net te ondersteun en aan te moedig.
LikeLike
mens het nie woorde nie.. soms wil die liggaam nie meer die skokke van versaking hanteer nie.. maar ons hoop
LikeLike
:)
LikeLike
Sjoe dis vreeslik hartseer ja.
Mens kan net bid. En dankie sê.
LikeLiked by 1 person
Hy’t operasie oorleef.. en dit gaan goed onder omstandighede. Dit bly maar erg situasie omdat ander voet ook baie erg toestand is.
LikeLike
Ai dis hartseer hoeveel lyding sommige mense deurmaak.Sterkte.
LikeLiked by 1 person
Dan kry ek sommer skaam oor kwinte en kwale waaroor ek soms kla.. ai tog . Hy het operasie oorleef, dit gaan onder omstandighede goed. Hoop maar ander voet word beter dat hy nie nog so drastiese prosedure kan vryspring
LikeLike
Siestog,dis sleg!
LikeLike
Ai daar is regtig mense wat swaa kry … mens begryp nie die doel daarvan nie.
LikeLiked by 1 person
Sekerlik is julle sorgsame spreekkamer ‘n ligpunt in sy lewe.
LikeLiked by 1 person
Terug pieng: Pas jouself tog op as jy Diabetes het. | Woorde
Terug pieng: Mooi is die lewe.. | Woorde