Moere

Hmm, die opskrif was aspris.

Die twee ou mense in die huis op die hoek (hul is nou nie die moere nie) het mos ‘n groetetuin . Daar is rissies ge-oes vir die hele volk en vaderland. Daardie klein groenetjies. Nie die erg brandrissie grootte nie.  Met die dat ons nou nie soveel verbruik nie, het Annah Moabi elke dag ‘n sakkie vol busstop toe geneem .. beslis produktiewe inkomste vir haar. Het jy geweet dat hul betaal  wraggies 1,50 vir enkele rissie. Sy kon met haar rissie inkomste elke dag uie en tamaties koop en nog melk ook.Die poging om soetrissies te plant was onsuksesvol  , dié het net skewebek getrek . Wou darem nou nie vir die Rissiebrigade hier oorkant rissies aanbied nie.. hul het genoeg op hul tong!!

Met Annah in gedagte het ek Marog ook gesaai (gefloreer soos ‘n droom) Jy kry pakkies saad te koop. Spinasie is geplant en ge-oes – tamaties het darem paar opgelewer, wat ek afgespoel het en gehap het soos ‘n appel met sout en peper ge-eet en aan my broer Dawid gedink met elke hap. Groenbone was  hopeloos- en toe loop ‘n aartappel uit en ek onthou jy kan daardie uitloopsel in die grond druk, opgekom en afgegaan (reg vir uitlig) Siestog die hoop beskaam nie

Daar was glo nog een-  maar Jacob en sy mede trawant het hom middeldeur gespit.

Ons het darem Boerpampoene in pampoenseisoen  ge-oes . Maar lemoenpampoentjies het nie eens oë gewys nie. 

Nou word daar kompos ingespit en vreeslik beplan aan nuwe groentetuin. Ek kry so saligheid oor my gesig. Dit is seker een ding wat ek van my Ouma Dirkie Schoeman ge-erf het..groentetuin maak. Met dat die skroewe mens laat knak en nie weer maklik laat opkom nie..sal my buurman seker erg bekommerd raak as hy my in die posisie sien al kruipend tot by afloopgeut en my steunend ophys.

Daar gaan glo so groenwatertenk opgerig word te veel water loop uit geute wat die groentetuin kan onderhou. Wie de hoeners daardie fondasie gaan grawe en bou weet ek nie.. maar op iets sal ons daardie tenk moet staanmaak.

Groetnis.

 

 

Advertisements