Boeke

Op Facebook is daar ‘n uitdaging wat so met ‘n draai by my uitgekom het. Tina van http://rondomtaliedraai.wordpress.com/ -faam vra –gee ‘n lys van boeke wat op jou ‘n invloed gehad het.

Ek het haar vertel ek mag dalk verkeerde indruk skep as ek al die Moord en verwurg boeke op ‘n lysie plaas. Self gesit en wonder oor – invloed versus liefde vir die voorkeur! Lewies van http://pasella2013pasella.wordpress.com/  was ook al besorg oor die verborge aggressie van ‘n Liefdevolle Ouma oor die leesstof. Moet darem byvoeg alles is nie altyd koringkorrels nie sommige is kaf.

Hand in die sy gestaan so skewekop en gewonder…

Miskien moes ek in die kombuis ‘n draai gemaak het en resepteboeke afgeneem het. Dit het definitief ook my lewe en almal wat moes eet, beïnvloed. Menige dag het ek gedink , hierdie resep is tot op  jota en titel gevolg, wat is foutjie dan as die gereg soos semel proe. Inaggeneem dat sy ‘n beroerde kok is.  Miskien moes ek dalk “Learn to Knit” boek  gekiek en noem. O die wonder van om op jou oudag reg te kry om steke op naalde te kan opsit en al is dit net regs en aweregs – dit voel soos prestasie wat geen woorde kan beskryf.

Ek wil ook graag hierdie een boek noem

Met grootskrif en prettige illustrasies

Hierdie boek , het ek as hulpmiddel gebruik, om op ‘n maklike verstaanbare  manier aan my kosbare kinders te moes vertel -Elke mens het ‘n begin Mamma en begin Pappa en ons, ons is nie die begin nie en ons het jul so oneindig lief .

Voordat ek nou weer staan en emosioneel raak … groetnis en onthou almal wat hier lees –  kinders is kosbaar en  dan praat ek  nou nie van die klein spoegbekkie terplaatse nie!