Liewe Mia

Vandag is dit al 19 Oktober 2014.

Kan jy glo jy is al 4 maande plus . Ouma wil darem vir jou suutjies vertel – ek en Oupa het darem gewonder hoe gaan ons die kleine ou babatjie vet gevoer kry.. Gmf, kan jy glo en deesdae eet jy al pap.

Dit is net om te bewys dat jy pap eet..  en pampoen

Hmm, en toe gril jy nie eens nie. Ouma besef jy lyk bietjie oranje ..ek moes gou-gou foto neem voordat die afveewerk gedoen is en jy beweeg soos die wind met jou kop heen en weer , Ouma kry skaars gemik en druk met die ou selfoontjie. Wat Ouma erg besorgd gehad het is die foto wat Mamma een vroegoggend vir my gestuur het.Op die kombuistoonbank!! ..gelukkig weet Ouma jy kom hier by ons vroegoggend pap eet anders was ek ook erg bekommerd oor die bakkie hondepille daar by jou voete  Sy moes bontstaan , jou Ma,  met antwoorde oor daardie stoel op die toonbank..

Weet jy wat is die lekkerste lekker ? Jy word groter. Jy reageer op ons geselsies..jou glimlag is kosbaar. Skielik het jy agtergekom jou hand is ‘n gerieflike  tandering – soms druk jy dit so effe te diep in die kies. Dan kom jy agter skielik gebeur daar iets met jou maag – dit gee so bokspring tot in jou keel. Jy’t hande ! Wonderlik die ontdekking van die eerste gereedskap wat soveel moet doen.

Ek wag vir die dag wat jy armpies gaan uithou vir Ouma en Oupa om jou by jou Mamma te vat. Dit gaan darem vir ons so bietjie meer status gee, so iets soos  ek wil graag by julle wees.

Kosbaar , dierbaar , liefste Mia

Ouma en Oupa is baie lief vir jou

Liefde, sien jou mðre.