Lank lank gelede .. nee nie eintlik nie.
..Het die ouvrou oppiehoek met haar perskleurige somerskamerjas kombuistoe geslof.
Dit was vroegoggend .
Sy slaap weer lig. Sy slaap nie meer met haar dowe oor bo nie. Sy word wakker van elke Kiewietskree en middernagtelike Duifgekoer.
Sy wou gaan koffie maak toe sy die appel in die houtvrugtebak sien .
Met die afdroogdoek in haar hand begin sy die appel te vryf .
Vryf en vryf. Blinkrooi.
met haar stram vingers neem sy die steeltjie en draai die alfabet
a
b
c
d
e
en sy wonder oor die ou gewoonte van blinkvryf – oor die ou gewoonte van steeltjie draai tot nekomdraaislag..
en sy gaan sit by haar Ouma se tafel en hap. Haar skewe gebit se duidelike merkies sigbaar.. en sy kyk daarna
en sy wonder oor die klein handeling van ‘n oumens en sy vee die sapdruppels van haar ken af.
Weet jy? Ek kan jou sommer net teen my vasdruk en net bietjie vashou! Jy is n wonderlike mens! Dankie vir jou pragtige menslike beskrywings. Dit is rerig baie spesiaal.
LikeLiked by 1 person
Haai het die appel te voorskyn gekom..ek link my blog mos altyd op my fbook en daar wil dit nie te voorskyn kom nie.
Ag en ek waardeer jou pragtige woorde. Iewers het ek ‘n ding oor appels, iewers het ek in ‘n lankterug se blog ook oor die eensame ou vrou en haar appel geskryf. Wou nog byvoeg appels ruik nie meer so heerlik soos lank terug nie. Jy bly te vêr, anders het ek nou kom koffie drink..
LikeLiked by 1 person
Het ek tog nie n geselige koppie koffie nodig gehad vandag nie! Gelukkig is Woensdae ons Time Bank koffiedrink oggend. Vanoggend was net ek en een vriendin daar en ons het heerlik kon uit die hart praat. In die tussentyd het vonke hier by die huis gespat tussen my buurvrou en Jack(hond) se baas. Buurvrou het die baas by polisie aangegee vir bullying
LikeLiked by 2 people
Ag jinne – so opreg menslik geskryf. En tog – dit toon jou mooi karakter?
LikeLike
Dankie Spokie , karakter ? Wel oor daardie woord sal ek versigtig mee omgaan , mens werk mos maar gedurig daaraan.
LikeLiked by 1 person
Ek het al vergeet van a b c… ek sal moet onthou om dit vir my kleinkinders te leer.
LikeLiked by 1 person
‘n Mooi skrywe!
LikeLiked by 1 person
Dankie Lewies, ek waardeer dit .
LikeLike
Ek weet nie of ek moet lag of huil nie … Dis nou die vrou wat so beskeie oor haar skrywes is… Jy drink net nie alleen by my sus koffie nie!
LikeLiked by 2 people
Nee Tina ek skryf nie .. ek gesels . Groot verskil. Ja afstand is seker nogal moeilik vir julle .
LikeLiked by 1 person
Ons sal maar dan moet ooreenkom om te te verskil . Onthou ek het elke blog oor jou kinders gelees.
SUGGGGGG … maar as jy nou die talent en die maatemmer ding wil doen , is dit seker jou saak…sugg!
LikeLike
Nee o gits.. daardie oor my kinders het ek erg gewroeg jong! My broers doen dit beter ..ek gesels hul skryf – nou nie blogs nie of boeke nie maar vakgebied goeters. So het elke ou maar sy genietinge, nê!
LikeLiked by 1 person
Jy is net beskeie Jy moet met Izak gesels.
LikeLike
so perfek geskryf! m8n woorde wat baie sê.
LikeLiked by 1 person
Ai , baie dankie Seegogga ek waardeer dit opreg. Sal deur my ou blogs moet lees, iewers was daar nog ‘n ‘appelblog’
LikeLike
ja asb.
LikeLiked by 1 person