Trompie

Trompie , nou nie Trompie en die Boksombende nie . Trompie die musiekinstrument. Ek het  die eerstekeer  die instrument by my skoonpa en my man te siene en tehore gekry.

As ek na die klank luister kan ek dink dit pas by skape oppas.. jy sit so in die verte en staar en speel en natuurlik die voet ritmies aan’t tik..

         

Dit was vir my baie interessant om te lees dat die instrument ook bekend staan as Jewharp -en  as ‘n Jawharp.

Ek het vanoggend gaan luister na vele opnames van Trompie musiek. Kan jy glo tot Ode of Joy van Beethoven op Jewharp en trom. Al die trompiespelers , of altans die meeste  spelers, kry so vêr kyk in hul oë. Ernstig, al wat darem die vrolikheid bepaal is die voet  en die ritme so al kloppend.

Hierdie Trompie musiek is nou seker nie tipies aan die Kalaharibooorlinge (my Man en sy Sus en al hul aanverwantes nie) nietemin luister maar daarna.

 

Hoop hierdie trompie musiek bring bietjie nostalgie terug vir diegene wat dit ken.

Hierdie  volgende video wys en verduidelik hoe jy die instrument kan bespeel , waar mens nog hiervan in die hande kan kry ..miskien by  Molopo se klein plaaswinkeltjies.

Geniet die dag op ‘n hoë noot!