Liewe Mia

Hallou Ouma se liefie, dit is weer ons twee se geselstyd.

Ek het bietjie geloer deur al jou fotos van geboorte tot nou. Vir  Ouma is die heerlikste , dat jy nou al soveel dinge om jou kan sien en kan hoor en kan herken. Waaroor ek ook baie bly is dat jy so vriendelik is! Ag en jy koer en kraai darem tog te heerlik vir jou Pappa.  Babas is seker ook nog nie buierig op 4 maande nie, nê?

Ouma glo kinders moet musiek luister, dit laat mens sommer vrolik voel. Vreeslike slimmense vertel dit is ook goed vir Breinontwikkeling. Ek het eendag hierdie prentjie gesien en gebêre. Spesiaal vir ‘n briefieblog vir jou.

Ouma het  gedink as hierdie musiek van die komponis J.S.Bach teen ‘n kinderkamer se muur is, dan moet dit spesiaal wees. Ouma hou van Bach en ek het gehoor Mamma speel vir jou  klassieke musiek  op jou cd speler..ek dink dit is Mozart  en Beethoven ,  toe gedink vandag speel ek vir jou hierdie Minuet in G van J.S. Bach. Hierdie klein Pianis wat dit speel is ‘n driejarige seuntjie – luister net .

Ouma wil net omverskoning vra.. die seuntjie is seker senuweeagtig , die dat hy sy tong so uitsteek of sommer bietjie snaaks. Ek dink nie jou Mamma sal wil hê jy moet dit nadoen nie..gie gie!

Ouma hoop dat jy dit eendag sal geniet. Ouma het gehoor jy kom weer gedurende hierdie week vir ons kuier.. so paar dae… hier slaap… Mamma kom saam.

Ai dit gaan darem verskriklik lekker wees.

Jy moet nou lekker slaap , Ouma hoop die tande is minder lastig..

Liefde

Ouma en Oupa.