Weet Ma..?

“Dit is so lekker om nie nou huistoe te ry nie ..”( veral omdat haar Man nou in werksituasie moet reis)

“Weet Ma, dit is so lekker om gekookte kos te eet…wat ek nie gemaak het nie”

en dan,  om die Ma se hart te laat smelt –

“Baie dankie Ma .”

“Om Ma te wees vat baie uit ‘n mens se liggaam uit.” Amper het ek bygevoeg -amen.

“Dankie Ma dat Ma my gedra het.”

Vir  ‘n oomblik het ek gedink sy praat van swangerskap  se dra.

“Nee Ma, op Ma se heup!Verstommend hoeveel ek al met een hand kan doen!”                                          Ek het mos. Skuldig is ek skuldig ek het Kinta vreeslik geniet en bederf – of- dit is glo nie bederf nie – net  liefde .

Nie lank terug nie het sy gedink om te borsvoed is die grootste prestasie ooit, so verander die prestasievlakke elke week.

Nou verklaar dese Moeder plegtig -ag dit is so lekker om Kinta weer by die huis te kan hê. Natuurlik met die  met Kleinkintatjie ingesluit.

– en dan laat weet Kintatjie se Pappa  “dankie dat Ma-hulle, hulle huisves” Jitte die Engelsman kan so mooi Afrikaans praat.

Vreugde is ons s’n .. ek wou darem byvoeg , die antwoord van Kinta op vraag –  nie met ‘n gewone antwoord nie ,  neee , met ‘n teenvraag! Hmm dit het ek al vergeet, wraggies Pa se kind.

Van:

Die twee Oumense by die Huisoppiehoek