Woorde

Die vrou by die Hoekhuis

Stil hou sy haar dop.

Handjie oop.

Draai die hand met gewriggie  heen-en-weer.

Handbrug ..palm, handbrug, palm.

Skielik- vingers met vinnige beweging oop toe oop toe

die kraai laggie die gesels met haar handjie.

Sagte speeldingetjie in die hand..dieselfde oefening – vingertjies met spoed oop toe oop toe en skielik kom daar die piepgeluid – die ontdekking as ek hard genoeg druk die beloning van die geluidjie.. soveel glans op haar gesiggie .

Oefen oefen….

 

Lank terug het sy haar Ma ook so sit en dophou –

Hand oop. Vlerk die vingers, waaier oop.

Draai handbrug bo ..palm, handbrug

Skielik met een stram vinger na haar mond, na die hand,  vryf en vryf oor en oor  die oumensvlekkie op handbrug in stadige doelgerigte beweging.

Die verbasing van hande wat verander het.

Die stilgesprek met haar hande.

“Wonder wat het my hande oorgekom?”

“Wat het gebeur dat my hande so lelik geword het!”

“Hoekom is die vel so los..was ek siek, wat het met my hande gebeur?”

Die oë dof , die begrip nie meer nie.

Sy neem haar Ma se twee hande in hare. Skulp dit toe.

Haar dogter probeer troos,  “Ag Ma se hande is so wonderlik sag”

haar antwoord

“Dink  jy so?”

“Jy moet tog jou hande  oppas”

“Kom ek smeer vir Ma  room aan, ruik , ruik hoe heerlik Ma!”

Oumens hande skulp tesame oor haar neus – soos gehoorsame kind .

Die vreugde wat opflikker . Oumenskind.

Die verbasende antwoord  ” Dit het werklik ‘n besondere geurige reuk!”

 

en haar dogter kyk vanoggend na haar  eie hande

vlekkerig – verplooiing van handbrug .

 

en haar oë skiet vol trane

 

hande natalie moser(Foto Natalie Moser)

 

 

 

 

Advertisements

14 comments on “Die vrou by die Hoekhuis

  1. scrapydotwo
    Februarie 6, 2015

    Ai, nou dink ek met verlange terug aan my ma ook. Beslis n spesiale manier hoe die hande saam bak gehou word om die geur te ruik. Selfs die kere toe ek gehelp het met aantrek of uittrek. Die gerimpelde liggaam wat eens “mooi” en soepel was. Dan kyk ek na my eie velle en lelle. Nou die dag het my seun ook my hand gevat en dit liefderyk n bietjie gevryf terwyl hy verwonderd na die veroudering gekyk het.

    Liked by 1 person

    • ddupl3ss1s
      Februarie 6, 2015

      Ek het darem lekker gelag oor die lelle.. skielik het ons flappe vir bo-arms..

      Like

      • scrapydotwo
        Februarie 6, 2015

        Ho ho netso, en kan hl vir jou flap! Trek liewers iets met moue aan

        Like

  2. Toortsie
    Februarie 6, 2015

    As ek kyk hoe klein my ma geword het, sy wat haar lewe ‘n groot vrou was, gestoei het met die gewig…

    Liked by 1 person

    • ddupl3ss1s
      Februarie 6, 2015

      In die boek “Die Afdraande van die dag is kil” deur Alba Bouwer het sy gepraat van as mens oud word ‘maer jy mos af” .

      Like

      • Toortsie
        Februarie 6, 2015

        Het toevallig vandag daardie boek in my hand gehad. Ek het ‘n boek gesoek. Het hom nog nie gelees nie.

        Liked by 1 person

      • ddupl3ss1s
        Februarie 6, 2015

        Ek dink jy is bitter gelukkig om daardie boek te kry ..uitdruk en skaars .

        Like

  3. Spokie sny spoor
    Februarie 6, 2015

    Ai – so pragtig en gevoelvol geskryf. My 1ste kleinkind is oppad en nou net 2.5cm lank. Ek hou dus nog asem op. En lees met ander oë aan jou blog…

    Liked by 1 person

  4. ddupl3ss1s
    Februarie 6, 2015

    O ek het begrip vir daardie vreugde van elke sentimeter, glo alles sal goed verloop- wat bepaal is sal wees.

    Like

  5. Tannie Frannie
    Februarie 9, 2015

    Tot huilens toe mooi, Dirkie!!

    Liked by 1 person

    • ddupl3ss1s
      Februarie 9, 2015

      Ai , dankie Frannie . Eenkeer gelees dink dit was Anneli Botes wat geskryf het,oor so huilsessie.. daarna voel mens sommer weer reg om die dag aan te pak.

      Liked by 1 person

  6. Kameel
    Februarie 10, 2015

    Pragtige herinneringe Dirkie.
    Ek is besig om te verkrimp en het altyd gedink ek sal bly wees om ‘n bietjie lengte af te skud. Nou sien ek dit is geen seën nie; my dogter sê nou die dag so ewe “kyk hoe klein word die ou lyfie!!!.”

    Liked by 1 person

    • ddupl3ss1s
      Februarie 10, 2015

      oe jou gelukkige siel ..ek sal eerder hoor – haai jy lyk wraggies net so rond soos jou oorle Ma”

      Like

      • Kameel
        Februarie 10, 2015

        Lekker giggel ek nou :)

        Liked by 1 person

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

Information

This entry was posted on Februarie 6, 2015 by in Gedagtes vir die dag..

Blog Stats

  • 17,050 hits
%d bloggers like this: