Padlangs

Vanoggend het ek aan Me Strong gedink( Engelse onderwyseres). Iewers gedurende  1971 het sy in mondeling gevra jy moet die pad van jou huis af beduie tot by die skool sonder om van  handgebare gebruik te maak..

Foeitog, ek wonder hoe het ek die pad vanaf die Koshuis  verby  dwarsstrate ( iewers was  Meerholtzstraat)  langs,beduie ! My Engelse vermoë was vir ‘n Vrystaatse plattelandse kind definitief nie iets waarop ek ooit trots was nie..jammer Me Strong, dink nie daar het intussen drastiese verbetering plaasgevind nie. Ek wroeg steeds. Ek is veral bewus van my powere pogings veral as iemand rou Engelssprekend,  my probeer red deur drie woorde Afrikaans in ‘n sin in te pas…. (hopelik reageer ‘n paar uit 1971 Engelse klas om die pad te beduie-diegene wat soms hier lees. Paaie laat mens altyd terugdink..ook maar lewensroetes..

Die pad verduidelik?

Vanoggend skakel ‘n Pasiënt vanaf Sasolburg. Ek maak die afspraak, toe vra sy ‘verduidelik asseblief , ek het vorige keer vreeslik verdwaal’

Sy is Afrikaanssprekend.

Die uwe erken,  pad beduie plus Engels- nou nie  juis my forté nie, (giegie, kom agter die lys raak langer) ek vra die man des huises ‘help beduie tog asseblief!’

Ek hou hom dop. Hy gaan staan , draai hom so dat sy liggaam rigting vanuit Sasolburg uit staan.. en die arms beduie links regs , hand horisontaal linkerkant afdraai soontoe..dan regs – kompleet padpredikant.

Ek vra altyd oor die motorpassasier – GPS- bitter weinig hoogs bejaarde mense hou van die stem, “Nee, jong die Oom kan nie hoor wat praat die vrou nie!”

Goeie oefening – geheuespeletjie – plus vaardigheid  , probeer gerus.