Die dag breek aan’t skerwe..

Vanoggend, 3 uur in die môre,  gaan die Huis oppie hoek se alarm aan’t skree.

Buks die brak hef sy getjank aan, in harmonie met alarm. Kop agteroor ..whie whie whieee!

Die man des Huises bulder, wharra whara wharra !! Vlie  met spoed uit  die kooi – stormend- die  alarm se nek om te draai ( nie die hond s’n ). Hy trap in ‘n plas . Buks se swak blaas-plas,  Die man se woordeskat verbreed.

Lilly die kat, knip haar oë verskrik oop en toe, strek haar krakend orent.

Nadat alles stil raak en iemand weer so ligte snorkie gee..

gaan Leo die Boerboel, buitekant,  droewig aan’t ween.

“Boe hoe hoe hoeeee!”

En die Toilet begin spontaan sjorrrrrr water te spoel, en die windklokkie klieng in toiletvenster…

Dit is Maandag die 20 ste  April die jaar 2015.