Wou net vertel
Ons kry ook deesdae meer warm as ander dae, die dierbare boom met sy groen skaduwee kan ook net soveel help.Gister het ek gewonder oor waaiers in kerkgeboue, dit raas en blaas en soms verjaag dit die klank van die Woord heen en weer in die gebou, en die dowe is meer hardhorend.
Ons oumensklub van Geliefde se vorige werk, het saam gekerk en gaan eet. Ek erken ruiterlik die groep vroue wat saam met hulle manne kuier, is steeds vreemdelinge vir my.
MAAR
Ek kry toe met die uitstap na die etery so klein fyn vroutjie by die deur.
Eers agterna uitgevind wie van die ou medaljedraers se vrou sy is. Nietemin, ons groet , ek hou my hand onder haar elmboog. Vir die wis en onwis. Sy is breekbaar fyn.
Vertel sy , ag sy geniet hierdie saamgesels verskriklik. “mens raak so ..so ” en sy klink half bang om die woord te sê , help ek haar maar “depressief?”
“Dis reg, ag en my ou man is so vol (en sy gebruik sowaar ‘n gekruide woord, ligte speserye , nogtans ) hy wil nie meer hê ek moet alleen ry vir inkopies nie, ek’s glo te oud!”
“Dan kla hy ,op die koop toe, hy wil nie meer saam winkel toe nie ” Foeitog niks is eintlik nuut onder die son nie, dit wou ek nou nie vir haar vertel nie.
Hul bly in aftreehuisie. Is maar klein.
“Weet jy, nou die dag vertel ek vir hom, na ons Checkers toe was – oppas kyk waar jy loop , moenie probeer bo- oor die pakkies klim , versigtig!
Hy klim wragtag oor die Checkers pakkies,luister nie vir my nie- hak sy voet vas .Met die dat hy val voel ek ‘n stamp teen my bo-arm, en daar lê ek ook .
Die plek is so klein ..hy lê in die kombuis en ek met my voete in die gang!”
Toe wonder ek oor die opstaanslag.
Daarshy! Splinternuut! Hoe lekker lees ek!
LikeLiked by 1 person
:-)
LikeLiked by 1 person
Hallou Net Ek, dankie vir jou glimlag.
LikeLike
Ai dit moet n gedoente wees as albei op die vloer le. Dis sekerlik nie n lekker gevoel nie. Bly om weer ietsie van die hoekhuis te hoor!
LikeLiked by 1 person
Hardhorend én hardhorig!
LikeLiked by 1 person
Ja dese oumense is ook maar ‘sondaars’ – wie ore het ..Lekker lag ek so in die mou.
LikeLike
Ek sien al die twee oues so lê bo-oor die pakkies…hulle het seker agterna gelag vir die petalje.Lekker gelees!
LikeLiked by 1 person
Ek wonder, sy het maar erg verontwaardig geklink..ek het my slap gelag . Haar man is genadiglik nie oorgewig nie, beide gedaan en broos.. foeitog , ek het empatie met die val.
LikeLiked by 1 person
Lekker gelees en sommer lekker gelag ook.
LikeLiked by 1 person
Dankie, vir die lees, ek waardeer dit .
LikeLike
Ek weet nie of ek mag lag nie maar ek kan nie anders nie.Wonder nou sommer baie goed,, wie het vir wie opgehelp, wat was die gesprek daarna, was daar eiers in die sakke, mens kan ‘n hele drama hieroor skryf :-)
LikeLiked by 1 person
Oe , jy praat! Volgende keer gaan ek beslis van hierdie dame ‘n tafelgenoot maak.. ek het onwaardig agter uit my keel gelag toe sy dit so ewe sedig vertel.
LikeLike
Jy kan haar gerus weer opsoek. Sy klink na lekker geselskap.
LikeLiked by 1 person
Siestog mens moet besef wanneer hulp nodig is. Dis swaar maar as mens sien hoe mense weer blom, weet mens van Genade
LikeLiked by 1 person
Sies tog. Ja, die opstaanslag sou seker ‘n lollery wees, ‘n dag se werk. :)
LikeLiked by 2 people
haha..
LikeLike
Ag hoe lekker -hier’s jy weer!
LikeLiked by 1 person
amper sing ek ‘n liedjie…met my rooirok voor jou deur of die kat kom weer ?? ek sukkel, Gister my voorgeneem vandag het die voorneme in hitte verskroei.
LikeLiked by 1 person