Die eerste dag.

Die twee lê soos gesneuweldes na slagveld in hul kooi.

(krommerig van ouderdom)

Sy stap haar Nuwe Jaar tegemoed-  ganglangs – nie ligvoets nie.

( onthou die beeld van krommerig)

Daar is nie Elektrisiteit nie.. beide ervaar ook soms kortsluitings.

(onthou die beeld van ouderdom)

Gasstoof-koffie blitswarm, sit hul blasend oor hul bekers .

(onthou die beeld van plooi hande gevlek om mooiste koffiebeker)

“My Man, wat is jou beplanning in die Nuwe Jaar?”

(Let Wel –  die woord beplan – voornemens word suutjies hanteer, mens kan dit dalk nie nakom nie)

• Hy tik hul met woorde af , so kromskouer :- Sal maar weer afspraak maak by die Kankerman( so asof die dr die gewas is)
• :-Sal na die ander een gaan oor my spysvertering, voel soos Bees wat te geil gevreet het ewig opgeblase.
• :- Moet hierdie studeer-  /cum ingang tot huis se poorte /-vertrek begin regmaak. (Sy dink aan die barste genommer in die vertrek – nommer 12 en 13- daar waar ‘n deur was, wat toe gebou is  en uit sy nate  oopgekraak het- en sy wonder oor die ander krake in sirkels benoem)

Toe  hou hy op…” en jy my vrou?”

*Neem kennis , sy (die vrou ) het die foto in blokkies gemaak , oor hul ook maar brokkies van ‘n geheel is.

*Neem kennis toe was haar gesig geverf , haar glimlag gevra.

*Neem kennis sy’t dit so sagte liggie gegee , om vir die twee Oumense van die Hoekhuis  misterieus te laat lyk.

*Neem kennis sy’t nou die dag ‘n foto van haarself gesien , suutjies geneem deur iemand.. sonder glimlag, mond so afdraande , haar oë tam.  Sy staar, na kiekie en  dink aan haar Ouma Dirkie wat kromskouer voor  erfspieël gestaan het , verwonderd oor ouderdom se kepe.

Dan vra hy “Wat is jou beplanning?”

 

 

Advertisements