11 Julie

Liewe Doepie

Ek loop al dae met woorde rond.

Sou so graag die regte woord op die regte oomblik wou sê, so gepas. Weemoed loop deesdae hand aan hand met my woorde..

Vreugde vir jou .

Mag ek wens vir ‘n gesonde Lewensjaar? Skielik het die wens so kosbaar geraak.

Mag jy weer jou hande  gebruik  , die het skielik swak geraak – die boor en skaaf en skuurder wag vir die oomblik wat jou hand oor sygladde houtoppervlak vee.

Mag jy vreugde vind met almal rondom jou.. van die kleinste vriendelike spoegter tot die woelkous se vrolike saamsing Heppiebifday!!

 

Lewe is kosbaar . Saamwees is kosbaar. Om jou geboortedag te herdenk kosbaarder.

Jy is vir ons kosbaar.

Liefde,

Dirkie.