Woorde

As Winde saamween..

As jy sekere ouderdom betreë (my Ma se lieflingswoord) dan woon jy meer begrafnisse by.

Ek sit tesame met ‘n leërskare mense  vanmiddag 12 uur in die kerk. Die orrelis speel met soveel jubeling die voorspel..seker om tog die oorledene se lewe te vier. Ek kyk na die ligkandelaar.. ..probeer so kop agteroor die ligskerms te tel , was dit ongelyke getal ?  Die pyporrel – mooi geplaas bo preekstoel.

Ons sit in selfde bank as paar weke gelede. Toe het hy nog agter ons gesit , die man wat almal kom groet. Ek sien die Bybel raak..dit behoort aan kerk – kerkkantoor-eiendom-stempel voor in.. en gehekelde kruis boekmerk.  Vandag gedink niemand het sedert ek laas hier was die Bybel of boekmerk hanteer nie,  altans vorige keer het ek dit so geplaas dat mens die fyn skulp kruisie kon sien daar waar gelees is, steeds sigbaar by leesgedeelte soos my hand dit aangeraak het. Gedink aan my skoonma, sy’t net so een gehad..self gehekel..die skulpies afgetel  soveel tot by die plek waar die dwarsskulpie vir dwarshout gemaak moet word.

Waaraan dink jy as jy moet wag vir die uur?

Lewe  of dood ? Die weduwee? Haar kinders? Die dogter wat haar ma getrooskoester het teen haar bors, rolle omgeruil..  Die een wat agter jou fluister tot in haar dowe oor ..oor die man wat jonk is, 20 jaar jonger as hy met medaljes ingeryg om dienslewering van jare te verteenwoordig..die sug hoorbaar ..’ja so is die lewe nê..”

Mistroostige Augustus winde op hierdie September dag, die Hemelruim grys swaar draend aan stof en hartseer.

As die deur van jou huis toegaan en jy skielik een word na lang pad van twee saam, dan kom kuier eensaam vir jou.

Lewe en dood hand aan hand.

 

Advertisements

23 comments on “As Winde saamween..

  1. newsferret
    September 16, 2016

    Weet nou nie of “like” die korrekte is nie, maar uitstekend geskryf soos gewoonlik. Vir my ek op my ouderdom gaan nie
    meer begrafnisse toe nie, lees net die “in memoriam” nuus.

    Like

    • ddupl3ss1s
      September 16, 2016

      Baie dankie News. Ek het eendag die mooiste gelees van ‘n dogter wat haar Pa onthou en sy liggaamsbou in haar seun raaksien , manier van sit loop en staan..

      Like

  2. coetzee2014
    September 16, 2016

    Snaaks, ek weet toe ook nie, of dit gepas is om te “like” nie. Iemand, wat my blogs lees, was dit nie dalk jy nie? Het nou die dag gesê ek gaan na baie begrafnisse, want ek het geskryf oor ‘n paar vriende, wat skielik weg is. ‘n Teken van die ouderdom.

    Liked by 1 person

  3. melouisef
    September 16, 2016

    En dis hoekom ek die dag van my dood moet kan kies.

    Like

    • ddupl3ss1s
      September 16, 2016

      Soms kom die dood onverwags en sonder sigbare siektes en belewenisse

      Like

      • melouisef
        September 16, 2016

        En dis soos ek dit verkies vir my, dink net hoe gelukkig duo ek wees

        Liked by 1 person

  4. Orange Blue
    September 16, 2016

    Dink aan baie goed, dink aan ander

    Liked by 1 person

  5. HesterLeyNel
    September 17, 2016

    Ek meen jy onthou sekere gebeurtenisse wat plaasgevind het gedurende die deel van jou lewe wat verby is, asook die mense wat ‘n rol in jou lewe gespeel het en wat reeds vooruit gegaan het.

    Liked by 1 person

    • ddupl3ss1s
      September 18, 2016

      Hierdie Begrafnis se orrelspel was so jubelend , ek het heeltyd gedink ek hou van sulke sagte droewige klaende musiek..mense moet darem oor my ween..Met respekte…

      Liked by 1 person

      • HesterLeyNel
        September 18, 2016

        Nee o herder tog, ek is nie die wenerige klaerige soort nie. Ek wil liewer net wegraak dat niemand eens agterkom ek het verdwyn nie.

        Liked by 1 person

      • ddupl3ss1s
        September 18, 2016

        Slegte nuus vir jou ..ons sal ween en wonder , goeie genesing so uit die hart uit huil..mens hoef nou darem nie net oor oorledenes te ween nie..

        Liked by 1 person

      • HesterLeyNel
        September 18, 2016

        Maar as jy nou wil ween oor al my sondes, my doene en nalate, my smarte en vreugdes, kan ek jou waarborg dat jou borslap baie nat gaan wees. :D

        Like

      • ddupl3ss1s
        September 18, 2016

        Nee doerie ken ek nou nie so in besonderhede nie( die op jou lysie) net oor ek jou sal mis.

        Liked by 1 person

      • HesterLeyNel
        September 18, 2016

        :D

        Liked by 1 person

  6. rondomtaliedraai
    September 17, 2016

    Vandat ek hier bly is dit of die dood sy angel verloor het

    Like

  7. Abrie Joubert
    September 17, 2016

    Ek was eenmaal “op my eie begrafnis”. Dit was ‘n surrealistiese ervaring – nee nie my eie begrafnis, wel op die van my neef. Op die eerste bladsy van die befrafnisbrief het ons naam vir my gestaar: Abraham Johannes Joubert. Dit is ‘n draft in blog maar is nog nie heeltemal gereed om dit te post nie. Hy het helaas sy doodsdatum self gekies

    Like

    • ddupl3ss1s
      September 18, 2016

      Oumense het soms vooraf hul Gesang versies en teks gekies..maar darem nog nie die Begrafnisbrief geskryf nie. Jitte Abrie, ek raak bekommerd- gaan jy ook jou datum kies?

      Like

  8. Abrie Joubert
    September 18, 2016

    Nee dit is nie my plan nie en ek besef ook dat Melouise (neem ek aan) eintlik van genadedood praat. Abrie dink wel hardop in sy blog maar daar is wel dinge waaroor Abrie dink maar nie hardop oor tik nie. Dit beteken egter nie dat ek van plan is om my eie doodsdatum te kies nie

    Liked by 1 person

  9. Terug pieng: ABRAHAM JOHANNES JOUBERT: 1968 – 1997 – Abrie dink hardop

  10. Kameel
    September 20, 2016

    My ma het van hierdie tyd gepraat as die bome in jou bos begin val. Dit het toe vir my nie veel mening ingehou nie, nou is ek daar…. en verstaan wat sy bedoel het. Wanneer die telefoon lui wonder jy klaar wat jy nou gaan hoor.

    Liked by 1 person

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

Information

This entry was posted on September 16, 2016 by in Gedagtes vir die dag..

Blog Stats

  • 18,038 hits
%d bloggers like this: