Ontmoet

Sou graag wou weet waar het die woord’ontmoet’ ontstaan.

Afgelope dae gedink oor die Hoekhuis en sy stories binne die mure.

‘n Vrou voor die deur wat haar eendag voorstel, naam en van . Seker die vraagteken op die oude vrou van die Hoekhuis se gesig gesien , in een asem verduidelikenderwys –

.. kan ek deur jou huis stap.

Jy ken my nie.

My Ma het die vrou geken wat eens hier gewoon het.

Ek het kleintyd baie in hierdie huis gekom.

Nostalgies die vrou voor die deur.

Sy’t deurgestap  die teleurstelling sigbaar- die herontmoeting met ‘n huis bring nie kleintyd se herinneringe terug nie. Huise en inwoners verander.

Die Vrou van die huis oppie Hoek moes toe darem  vra ‘ van waar Gehasie?’

My Ma en die vrou van die huis was nie vriendinne nie.

Hulle was mekaar se steunpilare (?) mekaar gebel as die versoeking aangeklop het.

Mekaar by AA ontmoet.

Hulle was albei alkoholiste.

My Ma kon darem die ellende oorwin .

die vriendin ? vra sy..

Nee.