Grootmens Kersfees

Iewers het my vreugde rondom Kerstyd afdraai paadjie geneem.

Dit het nou nie  betrekking op die werklike Fees van herinnering aan die dag in Bethlehem nie.

 

Ek raak emosioneel verlang my verlang na ‘n Ma en Pa wat tesame hul vier kinders lustig Stille Nag gesing het . Sonder  ‘n boom of liggies sommer buite op die Plaasstoep.. en die Kersdagkuiers kleintyd by Oupa Dawid en Ouma Dirkie  Schoeman  se plaas  Rhodebank Vredefort distrik  tesame met ons  twee Tannies wat ons heerlik bederf het.

Later jare het getalle meer en meer afgeskaal .

Ewig aan’t terugdink aan die laaste saamsing ek en Ma in Avondrus se ouetehuis , die personeel en ander mede inwoners wat stil-stil in die gang gaan staan het en luister.. en die een skoonmaker wat gevra het kan sy saamsing.. ag en die swaarsluk aan trane.

Ek wou maar net aan elkeen,  familie en vriende na aan ons hart, vertel ek dink aan julle.

Julle het Geliefdes verloor deur dood en kinders wat net bereikbaar geraak het met rekenaar tegnologie, dan sluk mens swaar . Mooi woorde gaan nou nie salf vir ‘n volgemoed wees nie..  Hoe troos mens nou werklik iemand wat sommer so voor Kerstyd iemand verloor het. Mooi woordjies help nie , rou hartseer steek vas.

Die dag van die eerstes, eerste keer alleen sonder diegene naby en kosbaar.

Onthou sal daar altyd wees

Hartseer en verlange ook

Ek wonder of dit werklik makliker raak..

 

Voordat almal nou emosioneel raak, mag ieder en elk tog verby smart kyk en stille vreugde ervaar.

 

bty