Snippermandjie vol drome.

• Sy droom van netwerke
• van www.
• van wordpress .com – Kan jy glo?
• van skakels

Sy droom haar so moeg..tot wakkerwordens toe.

Sy staan maar op. Sluip ganglangs.

Maak koffie.

Gaan sit agter die sleutelbord – in donkerte.

Die skerm  al lig op haar moeë gesig.

• Sy lees ander mense se woorde  en wonder oor haar droom. Sy kan nie die ‘link’ onthou, wat sy nogals wou onthou, nie .

Weet jy hoe skrik mens as daar skielik sjpuuuut-klank  so neffens jou blaas!

Wanneer  jy nou dink jy’s al siel wakker in die Huis op die hoek?

Daardie spuit aroma kannetjies( wat nou seker nog ‘n groter gat maak in osoon)  wat na babapoeier ruik of laventel of iets dergelyks,  wat so elke aantal minute staan en blaas so asof iets onwelriekends speurbaar raak.

Nee sy lag toe nie vir haarself nie.. net gehoor sy sê kliphard “Dêm kannetjie!” Toe storm haar dik hondjie agter die skrikstem in die donkerte aan en blaf bewend , vir iets wat hy ook nie weet of dit blafwaardig is nie..en haar Lilly kat skuur troostend teen haar been .

Sy in haar oorgrootkamerjas , sit en wonder hoekom het sy heelnag die skakel oor en oor herhaal aan iemand so wasig ..volgende keer moet sy tog onthou om met haar bril te gaan slaap. Die mens ..die wasige mens, sonder stem wat so graag  die skakel wou hê.  Waarheen?