In ons huis het my Ma altyd van ‘n Almanak gepraat .
Albei van Almanak tot Kalender word in HAT gebruik – vinkel en koljander.
Ek het eendag tydens ons vakansie vir my ‘n Kalender gekoop , gedruk op herwinbare papier – bruinpapier waarmee ons lank terug boeke oorgetrek het.
Elke maand het ‘n fyn penskets neffens die maand. Buitelyne van naakte vrouefiguur. Elke dag het ook ‘n wysheid of inligtingstukkie by. Sommige vreeslike stroperig, sommige dae interessante inligting soos dat Amandels deel van die perske familie is. Feit? ek weet werklik nie. Op die koop toe sien mens darem ook wanneer dit volmaan is.
As hul jou nou so ewe vra by die 16 de “Wat het jy gister gedoen wat noemenswaardig is?” dan besef ek miskien moet ek meer bewus wees van my doene en late. Die minusse en plusse , dit laat mens dink . ‘n Dag verby en ek kan wraggies nie eens rekenskap gee van iets noemenswaardig nie! Gister ? Ek het vir Mia opgepas en haar probeer vermaak – dit wil gedoen wees , dit vertel ek jou. Vermaak bietjie ‘n baba van 4 mnde ! Breinoefening se Moses.
Vandag en Môre het iemand hierdie wysheid kwytgeraak en is dit belangrik genoeg ge-ag om gedateer te word . Moontlik vind jy dit leersaam of laat dit jou minstens daaroor bespiegel-
“Ek het geleer dat, bloot omdat twee mense stry dit nie beteken dat hulle mekaar nie liefhet nie
en
net omdat hulle nie stry nie,
beteken nié dat hulle mekaar nie lief het nie!”
Hmm, laat jou dink en my tot die slotsom laat kom – stry maar dit is aanvaarbaar , net nie baklei nie -dit is nié vinkel en koljander nié.
Toe baar sy ‘n blog , die ouvrou met die kamerjas van die huis op die hoek met die Sederbome .. wat dankbaar nie gister tydens die woeste storm omgewaai het nie! – en dese Sederbome is nie in doeriejare se Waterkloof nie.
Dit is Vrydag die 24ste Oktober 2014 op my Almanak.
Ag, ek like jou griffels. So menslik. In ons jong dae kon jy wyshede binne die papier van chappies lees? Is dit nog so? Ek kou nie meer chappies nie …
LikeLike
Ek wonder of mens nog chappies kry? Dankie vir ‘like’
LikeLike
He he he. ‘n Seder val in Waterkloof. Kalender was in ons skooldae mos sommer ‘n lelike anglisisme. Ja, mens kry nog Chappies. Vir ‘n lywige 50c elk. Ek onthou van ‘n tyd toe ons twee vir 1c gekry het.
LikeLike
Hallou Olga.. ek het altyd gedink ons het Dennebome om te hoor nee ons is bevoorreg dit is Sederbome/ Baie ou bome, staan so skewerig , hoop nie hul foeter om op ons huis nie..dan sal ons plat wees.
LikeLike
hehehehe vol wyshede vandag.
Lekker naweek
LikeLike
Ek het uiteindelik my bril gekry … na 4 weke plus!
LikeLike
Oooooo nou gaan die vrou ontwaak! Ek is bly vir jou
LikeLiked by 1 person
Ontwaak ? Hoekom wil ek nou sing ‘ontwaak jy wat slaap en..” toe klink dit skielik in my ander oor ‘nog bietjie slaap nog bietjie sluimer” ek het groot dosis prekerigheid vanoggend .. sal maar sien wat herreis uit die stof… stof van nadenke ! Ek raak net erger..
LikeLike
O hel nou gaan jy weer wegspring want jy kan al die stof orals sien.
LikeLike
Jy! ..ha .ha .. moenie so van die hel neffens my praat nie!
LikeLike
Ek onthou maar net hoe jy die wasgoed as verskoning gebruik het … sug…
LikeLiked by 1 person
Ek kuier so lekker hier op jou blog! As jy dink ‘n baba van vier maande is veeleisend – wag tot sy elf maande oud is :grin:
LikeLike
Miskien is die Ouma hierdiekant wat nie kan tred hou nie…
LikeLike