Blits

Blits soos in blitsvinnig – nie soos in weerlig slaan neer nie!

Hoewel!!

As my kind (die dogter) vir my ‘n  Whatsapp boodskap stuur en sy begin met “Ma?” of “Mammiekie” dan weet ek wat is haar gemoedstoestand. Daardie verkleinwoord-benaming , hmm, dit klink vir my na bietjie heuning om die mond.  Behoede as sy die dag begin met ”  ek het my byna doodgeskrik!!” dan verkies dese Moeder liewer die verkleinwoord aanspreekvorm.

Mia daag die lewe uit, haar kreatiwiteit behaal hoogste hoogstes. Haar Moeder en haar Ouma, menig dag snakkend en hygend na asem en kalmte. Klim en klouter verskaf aan Mia matelose vreugde.

Ek kry die blitsboodskap.

Liewe hemel ek het my doodgeskrik..

Ek kom by die huis. Dit reën. Die huis ruik na hond..(hulle veterhonde – ter verduideliking).

Ek hang die wasgoed oor die ‘clothes horse’ en gooi  ander in tuimeldroër.

Die skuifdeur is op skrefie oop. Dit ruik steeds hond.

Ek maak agterdeur oop. ( na veilige binneplaas)

Dit ruik steeds hond.

Ek maak voordeur oop -veiligheidsplank voor die opening ( so grootmens kniehoogte dwarsplank).. geen hond of Mia kan ontsnap, (voorkant  na voertuie gedeelte nie veilig nie ) 

Ma! Dit is vrek stil in die huis , ek wil nie hê sy moet tuin toe nie.. dit reën en swaarweer ..erg.

Ek roep , geen antwoord.

Ek soek in die huis. Ek kry haar nie.

Ek kyk by agterdeur uit. Niks.

Ek roep weer…

Nou stres ek ( sal liefs terwille van die kind nou nie haar kruiewoord herhaal nie..angs is ‘n bliksem)

Ek kyk na die plank in oopdeur- niks is verskuif nie.

Ek raak paniekerig ..loop weer deur die huis.. sy’s nie in agterplaas nie of  voortuin nie!

Ek hardloop om die huis soos mal ding en roep.

Ek was vinnig oppad na voordeur. My hart nog nooit so vinnig geklop nie – dink kan sy dan haar been bo-oor die veiligheidsplank getel kry ..

TOE MA !! TOE hoor ek  so laggie ..so stout laggie!!

Nou laat ek maar die kruietaal toe…

“Die klein bliksem sit toe al die tyd onder die kombuistafel en hondepille  eet!” Flippit Ma!! So asof sy nie kos kry nie en die honde sê niks en hul eet krakend saam…!!

Aartjie glo na haar vaartjie.. pappa het ook so weggekruip en almal in huis  sit en dophou tot sy groot vermaak en aan die slaap geraak ..tot die Polisie opdaag vir soektog  en hy wakker word van  vreemde stemme en drama van tranedal!

 *Hierdie is spesiaal  opgeteken vir Mia,  Ouma wil hê jy moet dit swart op wit hê- jy moet dit eendag lees as jy kinders het.

Jy moet voorbereid wees op jou nageslag se kreatiwiteit.

Ouma sal darem net wou weet hoe proe hondepille ..al is dit vir fênsie veterhondjies gemaak ..dit ruik en stink soos hondepille.. Ouma het gehoor jou Ma was nie so ontstel oor die eet van die happies nie.. toe sy sien jy het hul so in hul drinkwater gedoop en geweek en toe gekou.. toe !  Toe was die vet in die vuur…

Foeitog Ouma se kind…