Deesdae loop hul heelwat hand aan hand.
Ondersteunend
Onderskragend.
Hand aan hand stap hul Onkologie se spreekkamer binne.
Sy gaan sit , haal sommer dadelik haar boek uit. “Die aanspraak van die lewende wesens” .. sy sit en dink is dit toeval die naam! Sy het gedink as sy nou ure moet sit , sal sy met notaboek en potlood aantekeninge maak .
Sy kon nie lees nie- mense skouerkrom sit en staar. Oë se glans weg , vaal en bleek .
Dit gebeur dat daar bekendes ook sit. Daaroor is sy bly. Hy gesels asof hy net eergister uit die kantoor gestap het , vrolik belangstellend, vooroor luisterend .
Sy hou die mede stoelsit-afwagtendes, dop. Sy wonder of hul meeluister.
Hy’t nie gevra oor haar besoek nie. As jy daar sit dan aanvaar jy, iewers het iets onbeheers in die liggaam aan’t groei gegaan.
Jy word geroep op naam en van . Gegroet en ge-aangenaam.
Sy het nogal gewonder oor die vrou . Die werk. Sit mens nou heeltyd en wonder oor die een voor jou houtlessenaar , dalk oorleef hy of glo hul jy sal oorleef. Sy wonder oor die kort-kort blik van Dr na haar en terug na hom , elke vraag elke verduideliking heen en weer -oogkontak word tussen jongvrou en twee bleeksiele behou.
Sy gee salf vir hul gemoed. Die bloed die skandering , alles lyk so mooi! Nogtans ..
Hul draai daar nie doekies om nie. Niks word sagkens gestel nie.
Feitlik.
Handtekening ..jy gee toestemming dat daar na beswil sal ge-chemo ge-bestraal word.
Waarborg uitgesluit.
Sy luister. Sy wonder waaraan dink hy.
Hul groet..
Saam stap hul na bestralings afdeling , afspraak tyd en duur.
Saam stap hul na chemo afdeling. Afspraak selfde dag verskillende uur.
Hul sit almal in sagte leerstoele ..gemaklik. Kombersie oor die knieë. Sommige oop bekkie aan’t sluimer. Sommige se blokkieraaisel oopgevou met potlood eenkant . Hand weerloos oop.
Sommige so verskriklik bleek en haarloos soos pasgeborenes. Opgekoppel .
Hy sê niks .. sy ook nie. Sy kry oorweldigende vriendelike glimlag van ‘n suster.
Trosie.
Hand aan hand stap hul uit.
“Wat dink jy ?”
“Vrou die plek het my aan ‘n “workshop ” by garage laat dink. Jy weet as jy jou kar soontoe vat dan koppel hul rekenaars aan enjin ..hul doen ‘diagnostics’ op jou kar, te sien wat nou waar verkeerd is met deesdae se rekenaargedrewe dinge in kar.”
Hul wag tot hul darem waardige afstand van hospitaal is, toe grinnik hul tesame , ‘diagnostics’ !
Sy’t besluit so sal dit benoem word .
Maandag 9 uur sal hy vir diagnostics gaan.
– vir 30 dae elke dag.
Voorspoed en bly positief.
LikeLiked by 1 person
Dankie. Ons oneindig dankbaar dat limfkliere geen teken toon van kanker.
LikeLike
Mag die diagnostics elke dag beter lyk!
LikeLiked by 1 person
Gevind om die leed wat ander verduur raak te sien, help om die motor padwaardig te kry. Dankie vir saamlees en die positiwiteit wat deurskemer.
LikeLike
xx soos altyd
LikeLiked by 1 person
Dankie , baie dankie nê.
LikeLiked by 1 person
Sterkte! Bid vir julle.
LikeLiked by 1 person
Baie dankie, waardeer dit opreg.
LikeLike
Is maar die lewe nè? Mens kom oor die bulte (deesdae nogal beter met al die diagnostics), en dan lê die volgende onheil alweer om die draai, maar ons kom daar ook verby, grootliks per genade, en met die hulp van morfien.
Sterkte daar in die hoekhuis. Genade, voorspoed en vrede.
LikeLiked by 1 person
Ag baie dankie Louwie. Dankbaar vir al die hulpmiddels. Dankie vir die goeie wense , dit doen ons hele huisgesin goed al die positiewe bemoediging.
LikeLike
Sterkte. Vat ‘n warm watersakkie saam want mens se hande word baie koud as jy chemo kry. Die begin is baie erg – mens word vreeslik moeg na ‘n paar uur maar dit word beter. Die naarpille werk baie goed.
LikeLiked by 1 person
Dankie vir die raad Tina
LikeLiked by 1 person
Skuus … ek kan dit nie help nie Hulle sal dalk vir julle al die goed vertel
LikeLike
Ek dink chemo nie so drasties soos vir borskanker pasiente nie, Onkoloog weer genoem geen haarverlies. Die ander simptome/ gevolge klink my is nou nie om van te huppel nie..
LikeLiked by 1 person
Alle sterkte met die behandeling!
LikeLiked by 1 person
Baie dankie, die onbekende bring mos maar onsekerheid.
LikeLiked by 1 person
Sterkte met die behandeling!
LikeLiked by 1 person
Dankie. Vitamiene aanvulling nou aan orde van die dag.
LikeLiked by 1 person