Jy is nou al 8 maande.
Jy maak geluidjies soos die Houtkapper hier in ons tuin ..so grrrr geluidjie , en skielik blaas jy . Nogal gedink jy sal beslis jou eerste verjaarsdagkersie kan doodblaas en nie doodspoeg nie. Jy het die sterkte van jou stem ontdek. Luidkeels.
Jou persoonlikheid verander. Jy gee groot wye glimlag vir Ouma en Oupa.. en jy skree dat die berge antwoord (o gits ons het nie berge nie) as jou Ma skielik uit die vertrek stap. Ag en die blydskap as sy om die deur vir jou loer bly darem kosbaar. Ouma sal maar net saggies bynoem- en jy’s vreeslik kwaai. Ek het vir jou slegte nuus, jy kan nou dalk met dit wegkom , ek wonder darem of jou ma dit gaan verdra in ‘n winkelsentrum! Ai ai..
Ek het vanoggend gesit en wonder watter liedjie gaan ek vandag vir jou sing, toe onthou ek van jou Mamma se eerste plegtige optrede toe sy gesing het. Sy was drie jaar oud.
Sy’t Padddatjie Paddatjie gesing. Ouma sal vandag dit sing. Op daardie aandkonsert ..het sy so gekerm oor die rok wat krap. Ouma het toe haar eerste les geleer – “as jy wil mooi lyk moet jy soms maar die krap verduur!” Foeitog, Ouma sal dit beslis nie weer doen nie. Mens kom later tot ander insigte met kindgrootmaak.
Mamma het so meegevoer geraak met haar liedjie singerye dat sy naderhand die krappend rok al hoe meer opgefrommel het toe die die ‘paddatjie op sy rug val” , was die rok al heuphoogte..
Mia, jy’t nou nie so bos hare soos jou Mamma kleintyd , nie. Oupa het nou die dag so ewe drogies voor jou Ma vertel , hy kan nie wag dat jy al ‘n kuif het nie, want hy sal dit mooi knip. So reguit . Oupa se handpalm teen die kuif platdruk en girts met sker. Oe! jy moes jou Ma se gesig gesien het .. dit is vir haar die vreeslikste haar kleintyd fotos met oupa se handewerk by haar kuif te siene.
Wat ek gou vir jou wou vertel, voordat Ouma groet.. Mamma sing glo gereeld vir jou in die motor oppad hierheen.. Nee, nie Paddatjie Paddatjie nie.. afhangende van jou gemoedstoestand . Hoe harder jy skree, dan sing mamma glo sommer die Onse Vader of Stille Nag.. uit desperaatheid! Wanneer jy nou kalm en rustig is sing sy Tula Baba..sommer so hm hm ..
Ouma wou darem weet oor die Onse Vader of Stille Nag keuse.. siestog soms het mammas ook maar bietjie genade nodig , kindgrootkry is nou nie juis net soos in StaSoft advertensies waar babas stralend en koerend is , nie. Mia, een van die dae begin jy kruip.. dan gaan jou Ma dalk ‘n ander wysie sing al hardlopende.
Ons is lief vir jou
Ouma en Oupa.
Ag watter prettige herinnering – Mamma in ‘n feetjierok wat Paddatjie sing. Kostelik! Ek is seker Mia gaan hierdie blog verslind wanneer sy groot genoet is om te verstaan en self te lees. Dankie dat ons kan deel in jou kleintjie se lewe en grootword.
LikeLiked by 1 person
Dankie Hester , ek geniet klein dingetjies baie meer as by my kinders se grootword tyd, ek dink mens was net te besig met alles wat gedoen moes word.
LikeLiked by 1 person
Die foto van ” Mamma” vat my darem nou ver terug na die kinderpartytjies en al daardie dinge wat ons gehad het
LikeLiked by 1 person
Fotos laat mens lekker terugstap op die mooi en die pretdae.
LikeLiked by 1 person
SUGGGG… JA!!!!
LikeLike
Ai dis darem lekker herinneringe
LikeLiked by 1 person
Ek is net jammer ons het opgestelde fotos geneem ..afloerfotos vertel soms ‘n wonderlike storie.
LikeLiked by 1 person
Ek het dit al gesê. Mia, is bevoorreg, met so ´n ouma.
LikeLiked by 1 person
Dankie Danie, bly ‘n groot voorreg om kinders en kinders se kinders te mag geniet.
LikeLike
Stem saam Mia is bevoorreg om n ouma en mamma te he wat omgee vir haar. Dit is regtig lekker om so saam met jou te sit en gesels oor Mia. Dankie vir jou unieke manier van vertel
LikeLike
Dankie Scrapydo, ons twee (ek en Mamma) het nou die dag gesels oor ons gesinsverband en verhouding met mekaar..alles verloop ook soms bulterig maar o mensig ons geniet mekaar met ons hele hart, oud en jonk.
LikeLike
Dis hoe dit moet wees. Natuurlik is daar bulte maar elke bult het weer n gelykte ook. Geniet dit
LikeLiked by 1 person
Hierdie briewe is loutere genot. Darem het oupa – destyds pappa – daardie kuif perfek reguit gesny! Klein Gabby weet nou al sy’s in vir ‘n wiegeliedjie soggens as sy moet slapies – dan begin sy sommer self daaraan sing. Moeilik herkenbaar, maar hierdie ouma weet mos…
LikeLiked by 1 person
Ag dierbaar Frannie, Gabby se sing klink dalk ook soos hierdie een so op een toonhoogte ..tot die gesig rooi raak, Ai Ouma Frannie kan gerus bietjie vir ons ‘n blog skryf oor die kleine Gabby . Mia is vreeslik kielierig en Ouma kan dit nie weerstaan om borrels te blaas op haar maag nie, daardie kraai laggie is heerlike pret.
LikeLike
Daardie kuif is puik geknip; beter as wat my ma met haar naaldwerkskêr gedoen het; so stomp-af hier by die voorkop. Soos ek elke keer sê, hierdie briewe is kosbaar.
LikeLiked by 1 person
ha lag ek lekker oor die naaldwerkskêr!!
LikeLike